جاوزت حدي في الخيال وتعديت

جاوزت حدي في الخيال وتعديت
ادور اللي غايب عن زماني

خذني عن الدنيا للأحلام واقفيت
صوت يناديني من البعد جاني

حنيت واطلقت الهواجيس واشفيت
اسمع مناجا غايب لي دعاني

جيته من الدنيا بهم وتناهيت
وجاني يسليني من الهم عاني

فتحت قلبي يوم نادى وهليت
تعال شف عقبك وش اللي دهاني

ياما تمنيتك بشوق وتمنيت
وياما سرحت وهاجسي لك خذاني

وياما هقيت بجيتك لي ولا جيت
وياما احتريتك لين صبري جفاني

وياما جمعت اوجاع قلبي وونيت
وياما تعديت الزمان ومكاني

وارجع على وقت الا من تماديت
يردد اسمك غصب عني لساني

صح لسانك
لاهنت على الاختيار الروعه
يعطيك العافيه اخوي

أسير الصمت ..~

دآئماً مبدع بـ أختيآرك
أبيآت رآئعه رآقت لي كثيراً
لآحرمنآ جديدك المميز

تقديري وأحترآمي ..~

شكرا على روعة حضوركم
تكفيني واسوره
نورتو

صح لسان قايلها
يسلمو على القصيدة