لك رب مايخذلك لو يخذلونك

ما راح من عمر التعـب مـا يكفّيـك ؟
ما هزتك طيحـة هقاويـك .. دونـك؟
*
يا "باعث" قبـور الحـزن فـي محانيـك
لو مـا رجعـت لْدفنهـا .. يدفنونـك
*
هذا الحزن لـو مانتهـى بـك بينهيـك
خاوى تفاصيلك .. وعـوّد بدونـك !
*
شف شيبك اللي من همومك عثى فيـك
وكيف التجاعيد عْبثت فـي جفونـك !
*
جسمك تهـاوى مـن عنـاك وتعنّيـك
ونبـرات صوتـك غالبتهـا شجونـك
*
لأْنك تنفسـت الشقـا فـي مساريـك
شف كيف صدرك مختنق من طعونـك!
*
بعت المنـام لعيـن مـن نـام ناسيـك
حتى غـدى ليـل السهـارى زبونـك
*
لا تنتظـر مـن خانـك إنـه يواسيـك
لـو هـو يحبـك مـا تجـرأ يخونـك !
*
قلبـك تعلّـق فـي مخاليـق تشقـيـك
ونسيت حب الخالق اللـي يصونـك !
*
الناس في عونـك ، إذا الحـظ يعطيـك
وان شح حظـك؟ قالـوا: الله بعونـك!
*
ارقى عـن أسبـاب الزعـل لا تخليـك
عبد لهمومـك كـل مـا يزعلونـك !
*
دنياك حلوه .. لـو تلفّـت حواليـك؟
تلقـى مـن بعـاد البشـر ينصفونـك
*
لو شفتها بعين الرضـا هـي تراضيـك
ولو بالكدر ؟ مـا خالفتـك بظنونـك!
*
افرد جناحيـن الفـرح فـوق ماضيـك
حلّق عن الذكـرى ومـن يجرحونـك
*
غيّر مـن الواقـع إذا كـان عاصيـك
جدد من الأحلام .. مـارس جنونـك!
*
ازرع فيافي الصـدر بأخضـر طواريـك
الكون كله ساعـة رضـاك .. كونـك
*
الليل تسهـر مـع نجومـه .. تناجيـك
وتبـادر طيـور الصبـاح بلحـونـك
*
بـث الجمـال بكـل رسـم لمعانيـك
خلّ الطبيعـه تاخـذ احسـاس لونـك
*
خذ من خطاك اللي يصحـح خطاويـك
لاتشيـل مـا لا تستطيعـه متـونـك
*
وان ضقت.. أو ضاق الزمن؟ ارفع ايديك
لك رب ما يخذْلـك .. لـو يخذلونـك [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذه الصورة]
.
.
.

كلمـآآآت جميله،،والحيـآآه حلوووه مثل مـآيقووولون^_^

يعطيكِ العـآآفيه ع الطرـرح~..

رائعه انتي ومااخترتيه
جدااا مميزه بماتحمله
سلمت اناملك وسلم هذا الاحساس

تسلم يدينك أسوره.. قمه في الذوق
كلمات روعه لاعدمنا اختيارك الراقي
وروعة الاحساس المميز في الاختيار
تقديري لك ايتها الكريمه

رحيل إحسآس ..

بعدد زخات المطر
شكرا لمرورك الجميل
لكِ سعاده لاتغادركِ

دمتي بوود ..

أسير الصمت

شكراًحضورك النقي
الذي يسكب اعذب العطور
ممتنة لك و لتواجدك ورقيق همساتك
تقديري

تكفيني جروحك ..

لايسعني الا انا اقول شكرا لهذه الكلمات العذبه
التى زادتني خجلاً
جوري لانفاسك

تحيتي ..

جميل جــــــــــدآ عزيزتي ...^
ربي يسســــلمك ع طـرح آلرآآآئع ...^

هوى روحي ..

ولوجدك
نسيم آخر من العطور
لآحرمة روعته
بسمة سعآدهـ لآتفآرق شفآتكِ

محبتي ..

يعطيك العآفيه

لاعدمنـآهذا الجمال بالطرح
بإنتظآرجديدك بكل شوق

حنين الخيآل ..

توآصل رآإآقي ومميز
لآحرمت روعة هذهـ الحروف على متصفحي

ودي ..