هذ اللي حاصل

هذا اللي حاصل لمجتمع صاير حلاله حرامه
واحنا نقول انه مثالي مرموق

ونحرص على اسباب الزعل والملامه
ونقول : كيف نفارق الضيق ونروق

صرنا نفكر في الغطا واللثامه
ونكشخ ونقضي يومنا لف في السوق

الشخص فينا كل همّه غرامه
كأنه عشان الحب والعشق مخلوق

نحكي بذوق مع العرب وببتسامه
لكن مع اهلنا ولا نعرف الذوق

ننسى ان كل انسان فكره مقامه
ونصنّف اهل المجتمع تحت أو فوق

صار الرجل حلمه وجل اهتمامه
يصبح غني ولو كان من مال مسروق

قليل من فكر بيوم القيامه
تفكيرنا كله في الاحاسيس والشوق

نبغى حقوق انسان ولو هي علامه
وحنا ما عطينا ربنا ايّة حقوق

نحكي عن الدين و عن الاستقامه
وبيوتنا اغلبها خيانات وعقوق

وشلون يفرض مجتمع احترامه
واكبر طموحاته متى البنت بتسوق

اتمنى انها تنال اعجابكم

تكفيني جروحك[ندعوك للتسجيل في المنتدى أو التعريف بنفسك لمعاينة هذه الصورة]

أبيات وكلمات رآآآئع’ـة ..
الله يعطيك العافيه
وسلمت يمنآكٍ على ماسطرتٍ ونقلتٍ ..
بإنتظآرج’ـديدكٍ بكل شووق ..
ودي وتقديري ...