لك غلا ً سبحـان ربـي ملـى الدنيـا حنيـن

غاسل ٍ كفي مـن مصافحـة بعـض اليديـن

وقافـل ٍ بوجيـه اهلهـا صناديـق البـريـد

وشايف ٍ شي ٍ لي اعـوام مالـي فيـه عيـن

وقاطـع ٍ خيـط الهقـاوي بسكيـن الوكـيـد

وخالص ٍ من طيـب ضـن ٍ موهقنـي سنيـن

وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن

وحاقـر ٍ منهـو يقيـس الاوادم بالرصـيـد

ومحتمي ٍ من غدر الاصحاب في حصن ٍ حصين

ولابس ٍ لرماح الاقـراب ثـوب ٍ مـن حديـد

وماضي ٍ مني علـى اللـي تمشينـي يميـن

ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن

كل عام يطيـح تسعـه ويصفـا لـي وحيـد

اشهد ان خيـر المـدارس تجـارب الاوليـن

واشهد ان راي التجارب هـو الـراي السديـد

واشهد انـي للبـلاوي علـى الدنيـا مديـن

كل مـا راجعـت نفسـي طلعـت المستفيـد

وانت ياللي عقبك الزين بيـن البيـض شيـن

مستحيل يطوفك الشعر وانـت اصـل القصيـد

القصيـده فـي عيونـي بدونـك مـا تزيـن

لازم ان اجيـب طاريـك يـا ملـح النشـيـد

انت ياللي مـن بطيـن الفـؤاد الـى الاذيـن

والله ان حبـك مـع الوقـت ماينقـص يزيـد

في غيابك لـك محبـه ولـك شـوق وونيـن

وفي حضورك شف عيوني كلامـي مـا يفيـد

اقهـر الضيقـه بذكـراك مـن حيـن لحيـن

وانثر دموعي على الوصل مـن عيـد ٍ لعيـد

لك غلا ً سبحـان ربـي ملـى الدنيـا حنيـن

ولك وفا ً سبحان ربـي مكـن فالكـون غيـد

شف مكانك فـي مكـان ٍ عـن العالـم دفيـن

في مكـان ٍ مـن ورى مثـل عيـدان الجريـد

مكرم ٍ حبك ولـه فالحشـى سمـن وسميـن

يقدع مـن الحـال واصـب لـه بـن الوريـد

افتضحت مـن الهواجيـس بـك فالمسلميـن

كل من سولف علي قلت له وش قلت؟ ..عيـد

الهوى سجن العشاشيـق وانـا لـك سجيـن

وودي ان سجني مؤبـد ولـي حـارس وقيـد

عزتي لي مـن فراقـك عسـى ربـي يعيـن

ادري انه فـي طريقـي ولـو وصلـك مديـد

صابر ٍ غصب ٍ ورى الخشم لو جرحي مكيـن

ودي افعـل لكـن الله يفـعـل مــا يـريـد

يعطيييييك العافيه
طرح رائئع
لاهنت يا الغلا

كفووي ..~

انتقاء رائع منك
ابيات قمة في الرووعه
راقى لي كثير ماقرئته في متصفحك الرآقي
دمت لنآ ودآم عطآئك المتفرد بآالأحسآس

ودي وتقديري ..~

تكفيني جروحك

كلمات وأبيات رووعه
يعطيك الف عافيه
وسلمت أيدك ع النقل
وبانتظار جديدك المميز

تقبل مني كل الود والتقدير .......

الطير كتب:: يعطيييييك العافيه
طرح رائئع
لاهنت يا الغلا

الله يعافيك
الروعه مرورك ولاتهون
نورت

Ầ$ёёЯẗ ẦŁĵяŐőђ كتب:: كفووي ..~

انتقاء رائع منك
ابيات قمة في الرووعه
راقى لي كثير ماقرئته في متصفحك الرآقي
دمت لنآ ودآم عطآئك المتفرد بآالأحسآس

ودي وتقديري ..~

الاروع مرورك اسوره
تسلم على التواجد المميز وكلمات المميزه
لايهون مرورك واحساسك
نورتي

أحساس الغلا ♥ كتب:: تكفيني جروحك

كلمات وأبيات رووعه
يعطيك الف عافيه
وسلمت أيدك ع النقل
وبانتظار جديدك المميز

تقبل مني كل الود والتقدير .......

الاروع مرورك الغالي
الله يعافيك ويسلمك
تسلم على المرور المميز
لاهنت انت ومرورك الرائع
منور

صح لسان قايلها
تسلم الأيادي